Daniel Xhafaj, pranë rekordit të Sinanit


xhafaBomberi vlonjat i Teutës, Daniel Xhafaj, me golin e shënuar dje në Vlorë arrin në kuotën e 204 golave, vetëm tre më pak se 207 golat e kryegolashënuesit Vioresin Sinani. “Ndihem mjaft i lumtur që shënova pasi tani jam më afër realizimit të ëndrrës sime, që është dhe arritja dhe parakalimi i Sinanit për të zënë vendin e parë.

Për mua, këtë sezon, ky do të jetë trofeu im dhe kënaqësia më e madhe. Jam i bindur se deri në fund do i kem shënuar golat e nevojshëm për tu shpallur shënuesi më i mirë i të gjitha kohërave. ” – ka deklaruar Xhafaj. I pyetur në lidhje me reagimin e tij në fund të ndeshjes dhe kontestimet nga një pjesë e tifozëve vlonjatë, ai u shpreh:

“Një pjesë më duartrokitën, kurse një pjesë më kontestuan. Por unë nuk jam i mërzitur me ta dhe ushqej respektin maksimal për çdo tifoz vlonjat. Por edhe ata duhet të më kuptojnë. Jam vlonjat dhe e dua Flamurtarin, por tani luaj për një ekip tjetër. Nuk isha unë që u largova nga Flamurtari, por më hoqën.” – është shprehur bomberi i Teutës, i cili ka marrë reagime të përziera nga tifozët vlonjatë në fund të ndeshjes.

4 Komente

  1. kuq&blu says:

    Nje nder sulmuesit me te mire ne shqiperi,respekt per xhafen,por UJKU mbet UJK,dhe eshte vetem nje,SINANI.vetem me vllaznine ka bere 180 gola :) me vjen keq qe nje lojtare si xhafaj nuk perfaqson ngjyrat e vlores

  2. Tifoz kuqeblu.Tiran says:

    o shoku daniel, Sinani eshte ujku asnjehere se arrin sinanin si lojtar me vlera dhe si legjende ,po te doje sinani futet edhe njehere ne loje dhe thyn rekorde prape.

Komento