Mundje

Nga data 8-11 maj, në Romë zhvillohet turneu i parë kualifikues për në Lojërat Olimpike "Pekin 2008", i quajtur Turneu "Milone". Në këtë aktivitet merr pjesë dhe ekipi kombëtar i mundjes klasike. Dje, në ditën e parë të garave, për ekipin tonë ka konkurruar sportisti Ergys Mirukaj në peshën 84 kg. Mirukaj ka kaluar turin e parë eliminator pas nuk u ndesh (falë fatit në short), por ka humbur në turin e dytë me rezultatin 4-1 ndaj përfaqësuesit të Greqisë Aleksandros Pikilidhis. Në ditët në vazhdim do të konkurrojnë edhe dy sportistë të tjerë të ekipit tonë kombëtar, Meraldo Ndoka i peshës 74kg dhe Dorian Shehu i peshës 120 kg.

Ky është aktiviteti i parë kualifikues që zhvillohet në mundjen klasike dhe Federata Shqiptare e Mundjes do të përpiqet të kualifikojë të tjerë sportistë shqiptarë për në Lojërat Olimpike "Pekin 2008". Pak muaj më vonë, në Beograd zhvillohet turneu i dytë dhe i fundit kualifikues. Shpresohet që mundësit tanë të stilit klasik të kualifikohen dhe të hyjnë në zonën e medaljeve. Vetëm pak ditë më parë, në Kupën "Akropolis", sportisti Festim Cengu i peshës 60 kg fitoi medaljen e argjendtë. Në këtë turne Shqipëria u përfaqësua me 8 sportistë, ku vetëm Cengu arriti të hynte në zonën e medaljeve.