Benxhami: Rrezikova gjysmën e sezonit

Blerja e re e Mançester Sitit, Benxhani, ka treguar disa momente ankthi që pati në kohën e kalimit te skuadra e tij e re, pasi kishte kaluar fati i federimeve dhe Portsmuthi nuk mund ta merrte mbrapsh, sepse e kishte shitur. Sulmuesi nga Zimbabve më në fund ka marrë federimin nga Federata Angleze e Futbollit. Ai ka luajtur fundjavën e kaluar në ndeshjen derbi ndaj Mançester Junajtidit ku ka shënuar edhe gol. "Ishte shumë e vështirë për mua, pasi më dukej sikur Siti nuk më donte, ndërkohë që Portsmuthi më kishte shitur dhe nuk mund të kthehesha prapa, për shkak të përfundimit të afatit për federimet."

Robinson, drejt largimit nga Totenhemi

Trajneri i Totenhemit, Huande Ramos, ka deklaruar se largimi i portierit Pol Robinson në fund të këtij sezoni nuk do të jetë ndonjë humbje e madhe. Portieri i përfaqësueses angleze e ka humbur pozicionin e tij në të dyja skuadrat, pra me përfaqësuesen dhe me klubin. AI është zëvendësuar nga Ramos me çekun Radek Kerni, i cili ishte i pranishëm edhe në Kupën UEFA ndaj Sllavias së Pragës. Megjithatë, trajneri i Totenhemit vazhdon të këmbëngulë se Robinsoni edhe mund të mos largohet në fund të sezonit.