Xhixhi Del Neri: Bëmë atë që mundëm

Xhixhi Del Neri nuk kishte si të mos e pranonte superioritetin e Romës. "Ne bëmë të gjithë atë që mundëm, - deklaroi trajneri i bergamaskëve, - por kampionët bëjnë diferencën. Ne luajtëm mirë vetëm kur na e lejoi Roma." Del Neri përfundoi duke folur për luftën për titull: "Interi ka një forcë të madhe fizike, Roma ka një futboll dinamik dhe lojtarët që mund ta përmbysin ndeshjen. Nga ana tjetër, verdhekuqtë, për mendimin tim, luajnë futbollin më të bukur. Nëse e meritojnë ta fitojnë titullin ose jo, për këtë do të flasë më mirë java e fundit."